PHOTOS CUBS      PHOTOS NATHAN

[1] Nouran Gohar 3-0 [8] Rowan Elaraby  11-1, 11-5, 11-4 (30m)
[1] Paul Coll (Nzl) 3-2 [6] Tarek Momen  11-8, 13-11, 10-12, 2-11, 11-9 (122m)
[4] Amanda Sobhy (Usa) 3-1 [15] Nada Abbas  10-12, 11-6, 11-5, 11-5 (44m)
[3] Mohamed ElShorbagy 3-0 [8] Fares Dessouky  11-1, 12-10, 12-10 (54m)

Click on each result to see the report

Tarek Momen said

مقدرش اقول حاجة غير انى فخور بماتش النهارده !
مش عايز اتكلم عن التحكيم عشان ده مش هيغير حاجة من ال حصل، بس أنا مقتنع انى لعبت ماتش عمرى النهارده، عشان على عكس توقعات معظم الناس ال كانوا شايفين انى معنديش فرصة نهائى اكسب النهارده، أنا كنت شايف انى اقدر اكسب مش بس النهارده لا البطولة كلها وعملت كل ال اقدر عليه انى اثبت ده لنفسى قبل اى حد تانى.
والنتيجة انى الحمد لله عرفت ارجع من ٠/٢ فى الاشواط ونقطتين مباراة فى التالت مع اكتر لاعب fit فى العالم والمصنف الأول على العالم. مش بس كده وكمان ماتش ساعتين فى واحد من احر الايام ال نظرياً خلت ظروف الملعب مش فى صالحى تماماً.
ناس كتيرة خرجتنى برة دايرة المنافسة تماماً لمجرد ان شوية نتايج مكانتش ظابطة او عشان بقيت ٣٤ سنة او او او، كلها اسباب انا رافض اقبلها وقعدت ال ٦ اسابيع الفاتو بجهز نفسى بس عشان اثبت خطأ النظريات دى (وبردو لنفسى قبل اى حد).
نفس السيناريو ده كان حاصل معايا زمان، ونفس الكلام كان بيتقال قبل ما اعمل الطفرة ال وصلتنى الحمد لله للقب بطولة العالم والتصنيف التالت لكذا سنة ورا بعض.
زعلان جداً انى معرفتش اكمل ال بدأته خصوصاً بعد ماتشين تقال زى ماكين و كول، كان نفسى اشوف انا اقدر اوصل لحد فين بعد ما اتعلمت ازاى اعافر فى ظروف انا مش متعود العب فيها وأقنع نفسى ان مفيش اى ظرف هيكون حجة انى ملعبش كويس واطلع كل ال عندى.
لكن قدر الله وما شاء فعل واكيد بإذن الله ربنا مش هيضيع مجهودى ده من غير ما تتعوض فى حاجة احسن.
وأخيراً، و ده السبب الأساسى للبوست ده، بجد بشكر كل واحد كان موجود وبيشجعنى النهاردة، انتوا بجد فرحتونى و والله وانا خسران فى تالت جيم كل تفكيرى كان انى عايز العب قدامكم اشواط اكتر من ٣ بس حتى لو كانوا فى ساعة ونص، وتشجيعكم ليا خلانى عايز احول الخسارة دى لمكسب مهما كان شكل الموضوع صعب، والحمد لله ساعدتونى على ده وخلتونى اكتشف حاجات عن نفسى ماكنتش شوفتها قبل كده
بشكركم وبحبكم ❤️❤️❤️❤️❤️